Thursday 29 March 2012 | By: Menaga Sathia

பருப்பு ரசம் / Tuvar Dhal Rasam

தே.பொருட்கள்:
வேகவைத்த துவரம்பருப்பு - 1/2 கப்
தக்காளி - 1
புளிகரைசல் - 1 கப்
கொத்தமல்லித்தழை - சிறிது
ரசப்பொடி - 1 டீஸ்பூன்
மஞ்சள்தூள் - 1/4 டீஸ்பூன்
உப்பு+எண்ணெய் = தேவைக்கு

பொடிக்க:
மிளகு - 1 டீஸ்பூன்
சீரகம் - 1/2 டீஸ்பூன்
பூண்டு - 3 பல்
பச்சை மிளகாய் - 1
சின்ன வெங்காயம் - 1

தாளிக்க:
கடுகு - 1/4 டீஸ்பூன்
பெருங்காயம் - வாசனைக்கு
கறிவேப்பிலை - சிறிது

செய்முறை:
*பாத்திரத்தில் எண்ணெய் விட்டு தக்காளியை துண்டுகளாகி போட்டு வதக்கவும்.இதனுடன் பொடிக்க கொடுத்துள்ளவைகளை கரகரப்பாக பொடித்து போட்டு லேசாக வதக்கி மஞ்சள்தூள்+உப்பு+புளிகரைசலை ஊற்றி கொதிக்க விடவும்.


*பச்சை வாசனை போனதும் ரசப்பொடி+வேகவைத்த துவரம்பருப்பு சேர்க்கவும்.


*நுரை வரும் போது மல்லித்தழைதூவி இறக்கி தாளிக்க கொடுத்துள்ளவைகளைப் போட்டு தாளித்து சேர்க்கவும்.
Tuesday 27 March 2012 | By: Menaga Sathia

3-4 வயது சிறுமிகளுக்கான ஸ்வெட்டர்/ Sweater With Cap for Girls (3-4 years old)


என் பொண்ணுக்காக நான் பின்னிய ஸ்வெட்டர்.எப்படி அளவெடுத்து தைப்பது என்று சொல்லியிருக்கேன்.

கீழ்வீட்டு பாட்டியிடம் கற்றுக்கொண்டேன்.அவர்கள் ப்ரெஞ்சில் சொல்லியதை ஆங்கிலத்தில் சொல்லியுள்ளேன்.என்ன இது தமிழ் பிளாக்கில் ஆங்கிலத்தில் இருக்குன்னு நினைப்பது புரிகிறது.இதனை தமிழில் அவ்வளவாக விரிவாக்கம் செய்ய தெரியவில்லை.அதான் விவரங்களை ஆங்கிலத்திலயே எழுதிவிட்டேன்.


அடிப்படை பின்னல் தெரி்ந்தவர்களுக்கு புரியும்னு நினைக்கிறேன்.மெயிலில் அதிக தோழிகள் எப்படி பின்னுவதுன்னு கேட்டிருக்காங்க,அதை நான் சொல்வதைவிட வீடியோவாக பார்த்தால்தான் புரியும்.நிறைய மாடல்கள் யூடிபில் இருக்கு.

அளவெடுப்பது எப்படி??

உயரம் ......ஷோல்டர் டூ  இடுப்பு பகுதி

ஆர்ம்ஹோல் - உயரம் மைனஸ் ஆர்ம்ஹோல் அடிப்பகுதி

Needle N° - 3.5mm

Before
Mount 90 stitches to 15 cm in dimension 2/2, 26 cm to armhole, 1 time 3, 1 time 2, 1 time 1, to 33 cm straight neck to stop the remaining 20 stitches on everything.

Back
Mount 85 stitches to 15 cm in dimension 2/2, 26 cm to armhole, 1  time 3, 1 time 2, 1 time 1, 38 cm straight to a fair neck 1 time15 , 1 times 10, the rest to the shoulder (20 mesh)

The Sleeve



Mount 40 stitches, 15 cm in dimension 2/2 and then increase to 10 straight, that 'means clustering a 1 st time every 5 rows and 20 cm to armhole, 1 time 3, 1  time 2 , 17 times 1,
1 time 2 , 1 time 3 , remains a time.

Cap


Mount 142 stitches,2 cm in dimension 2/2 to 21 cm-height to work in 3 times and then make the sen mesh middle and take the last mesh side until the end of next stitch.
நான் முதன்முதலில் பின்னிய குல்லாவினை பார்க்க இங்கே கிளிக்கவும்.

அதனை எப்படி பின்னுவது என்று பார்க்கலாம்...

Mount 100 mesh, 21 cm 2 fair 5 stitches together. Across the row to right and then two stitches per row two stitches to knit together all the rows backwards. Take sewing needle and pick up the stitches and sew very well.
Monday 26 March 2012 | By: Menaga Sathia

சிக்கன் பஜ்ஜி /Chicken Bajji

 தே.பொருட்கள்

சிக்கன் துண்டுகள் - 1/2 கிலோ
மைதா - 2 கப்
முட்டை - 2
அரிசி மாவு - 1/2 கப்
மஞ்சள்தூள் -1/4 டீஸ்பூன்
வரமிளகாய்த்தூள் - 2 டீஸ்பூன்
பெருஞ்சீரகத்தூள் - 1/2 டீஸ்பூன்
பொடியாக நறுக்கிய வெங்காயம் - 1
பொடியாக நறுக்கிய பச்சை மிளகாய் - 2
பொடியாக நறுக்கிய கொத்தமல்லித்தழை - சிறிதளவு
உப்பு+எண்ணெய் = தேவைக்கு

செய்முறை

*சிக்கனில் சிறிது உப்பு+பெருஞ்சீரகத்தூள்+மஞ்சள்தூள்+மிளகாய்த்தூள் சேர்த்து 15 நிமிடம் ஊறவைக்கவும்.
 *1 கப் நீர் சேர்த்து கடாயில் வேகவைக்கவும்.வெந்ததும் கறியை தனியாக எடுத்து வைக்கவும்.
 *நறுக்கிய வெங்காயம்+பச்சை மிளகாய்+கொத்தமல்லித்தழை இவைகளை இடிப்பானில் போட்டு நன்கு நசுக்கவும்.
 *ஒரு பவுலில் மைதா+அரிசிமாவு+முட்டை+நசுக்கிய வெங்காய கலவை+சிறிது உப்பு +கறி வேகவைத்த நீர் சேர்த்து கெட்டியாக பஜ்ஜி மாவு பதத்திற்க்கு கரைக்கவும்.
 *வேகவைத்த கறிதுண்டுகளை ஒவ்வொன்றாக மைதா கலவையில் நனைத்து எண்ணெயில் பொன்னிறமாக பொரித்தெடுக்கவும்.
Thursday 22 March 2012 | By: Menaga Sathia

மைக்ரோவேவ் ரிக்கோட்டா சீஸ் பால்கோவா /Microwave Ricotta Cheese Palghova

 இதுதான் என்னுடைய முதல் மைக்ரோவேவ் சமையல்.யாஸ்மினின் குறிப்பை பார்த்து மைக்ரோவேவ்வில் செய்தது.நன்றி யாஸ்மின்!!

தே.பொருட்கள்
ரிக்கோட்டா சீஸ் - 250 கிராம்
பால் பவுடர் -1 கப்
தயிர் -1 டேபிள்ஸ்பூன்
சர்க்கரை -3/4 கப்
வெண்ணெய் -4 டேபிள்ஸ்பூன்
ஏலக்காய்த்தூள் -1/4 டீஸ்பூன்

செய்முறை
*மைக்ரோவேவில் பாத்திரத்தில் வெண்ணையைப் போட்டு 1 நிமிடம் வைத்து உருகவைக்கவும்.

*அதனுடன் ரிக்கோட்டா சீஸ்+சர்க்கரை சேர்த்து நன்கு கலக்கி 6-8 நிமிடங்கள் வரை வைக்கவும்.
*ஒவ்வொரு 1 நிமிடத்திற்க்கும் ஒரு முறை கலக்கி விடவும்.

*பின் தயிர்+பால்பவுடர் சேர்த்து கலக்கி மேலும் 3 நிமிடம் வைக்கவும்.இடையிடையே கலக்கி விடவும்.

*இப்போழுது வெண்ணெய் பிரிந்து ,பால்கோவா உதிரியாக இருக்கும்.ஏலக்காய்த்தூள் சேர்த்து கலக்கிவிடவும்.

*இன்னும் கெட்டியாக வேண்டுமெனில் மேலும் 1 நிமிடங்கள் வைத்து எடுக்கவும்.சுவையான பால்கோவா ரெடி!!

பி.கு

*தயிர் சேர்த்தால் தான் பால்கோவா உதிரியாக வரும்.

*ஒரு கண்ணாடி பாத்திரத்தில் பாதியளவு தண்ணீர் ஊற்றி ஹையில் 3 நிமிடங்கள் வரை வைத்து எடுத்தால் பாத்திரம் சுடக்கூடாது.அதுவே மைக்ரோவேவில் சமைக்க ஏற்றது.

Tuesday 20 March 2012 | By: Menaga Sathia

அரைத்துவிட்ட எலுமிச்சை ஊறுகாய்/Araituvitta Lemon Pickle


தே.பொருட்கள்

உப்பில் ஊறிய முழு எலுமிச்சை பழம் -1
வரமிளகாய்த்தூள் - 1டேபிள்ஸ்பூன்
நல்லெண்ணெய் - 1குழிக்கரண்டி
கடுகு,உளுத்தம்பருப்பு - தலா 1/4 டீஸ்பூன்
பெருங்காயத்தூள் - 1/4 டீஸ்பூன்

செய்முறை

*மிக்ஸியில் எலுமிச்சை பழத்தை போட்டு விழுதாக அரைக்கவும்.
*கடாயில் எண்ணெய் விட்டு கடுகு,உளுத்தம்பருப்பு,பெருங்காயத்தூள் சேர்த்து தாளித்து மிளகாய்த்தூளை போடவும்.

*உடனே அரைத்த விழுதை சேர்த்து கிளறி எண்ணெய் பிரியும்போது இறக்கவும்.
Sunday 18 March 2012 | By: Menaga Sathia

மட்டன் புலாவ் /Mutton Pulao

தே.பொருட்கள்

பாஸ்மதி - 2 கப்
மட்டன் - 1/4 கிலோ
தயிர் - 125 கிராம்
தேங்காய்ப்பால் - 1 கப்
வெங்காயம் - 1 பெரியது
கீறிய பச்சை மிளகாய் - 2
மஞ்சள்தூள் - 1/4 டீஸ்பூன்
இஞ்சி பூண்டு விழுது - 1 டீஸ்பூன்
கரம் மசாலா - 1/4 டீஸ்பூன்
புதினா - 1 கைப்பிடி
நெய் - 2 டீஸ்பூன்
உப்பு+எண்ணெய் = தேவைக்கு

தாளிக்க

பட்டை - சிறுதுண்டு
பிரியாணி இலை - 2
கிராம்பு,ஏலக்காய் - தலா 2

செய்முறை
*மட்டனை சுத்தம் செய்து தயிர்+கரம் மசாலா+இஞ்சி பூண்டு விழுது சேர்த்து 3 விசில் வரை வேகவைக்கவும்.

*வெங்காயத்தை நீளவாக்கில் அரியவும்.சிறிது வெங்காயத்தை எண்ணெயில் பொன்னிறமாக பொரித்தெடுக்கவும்.

*அரிசியை கழுவி 20நிமிடம் ஊறவைத்து நீரைவடிக்கவும்.

*குக்கரில் சிறிது நெய் விட்டு அரிசியை 5 நிமிடம் வதக்கி எடுக்கவும்.பின் மீதமுள்ள நெய்+எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம்+பச்சை மிளகாய் சேர்த்து வதக்கவும்.

*பின் உப்பு+மஞ்சள்தூள்+வேகவைத்த கறி+புதினா+வறுத்த அரிசி+தேங்காய்ப்பால்+கறிவேகவைத்த நீர் 2 கப் சேர்க்கவும்.

*வெயிட் போட்டு 10 நிமிடத்தில் இறக்கவும்.பரிமாறும் போது வறுத்த வெங்காயத்தை சேர்த்து கிளறி பரிமாறவும்.
Thursday 15 March 2012 | By: Menaga Sathia

ரோஸ் சிரப் கடல்பாசி /Rose Syrup Agar Agar

 கடல்பாசியை சைனாகிராஸ் என்றும் சொல்வார்கள்.இதில் அதிகளவு நார்ச்சத்து இருக்கு.மிகவும் குளிர்ச்சியானது.உடல் சூட்டை குறைக்கும்.ரோஸ் சிரப் சேர்த்து இந்த கடல்பாசியை முதல்முதலாக செய்தேன்.மிகவும் வாசனையுடன் நன்றாக இருந்தது.

தே.பொருட்கள்
கடல்பாசி - 5 கிராம்
தண்ணீர் - 6 கப்
சர்க்கரை - 5 டேபிள்ஸ்பூன்
ரோஸ் சிரப் - 2 டேபிள்ஸ்பூன்
பிஸ்தா,பாதாம் ப்ளேக்ஸ் - அலங்கரிக்க விரும்பினால்

செய்முறை

*ஒரு பாத்திரத்தில் தண்ணீரை ஊற்றி கொதிக்கவிடவும்.

 *நன்கு கொதித்ததும் கடல்பாசியை சேர்க்கவும்.

*அது கரைந்ததும் சர்க்கரையை சேர்க்கவும்.சர்க்கரையும் கடற்பாசியும் நன்கு கரைந்ததும் வடிகட்டவும்.
 *ஒரு தட்டில்  ரோஸ் சிரப்பை ஊற்றி பரவலாக தடவவும்.

 *பின் வடிகட்டிய கடல்பாசியை ஊற்றி அதன்மேல் பாதாம்,பிஸ்தாக்களை தூவிவிடவும்.
*ப்ரிட்ஜில் 2 மணிநேரம் வைத்து நன்கு செட்டானதும் கட் செய்து பரிமாறவும்.
Monday 12 March 2012 | By: Menaga Sathia

கத்திரிக்காய் பொரிச்ச குழம்பு/Brinjal Poricha Khuzhampu

தே.பொருட்கள்

கத்திரிக்காய் -1 பெரியது
வேகவைத்த துவரம்பருப்பு - 1/2 கப்
சாம்பார் பொடி -1 டீஸ்பூன்
மஞ்சள்தூள் - 1/4 டீஸ்பூன்
உப்பு - தேவைக்கு

தாளிக்க
கடுகு - 1/4 டீஸ்பூன்
கறிவேப்பிலை -சிறிது
தேங்காய் எண்ணெய் -1 டீஸ்பூன்

அரைக்க
தேங்காய்த்துறுவல் - 2 டேபிள்ஸ்பூன்
சீரகம் - 1/4 டீஸ்பூன்
பச்சை மிளகாய் - 1

செய்முறை

*ஒரு பாத்திரத்தில் கத்திரிக்காயை பொடியாக நறுக்கி உப்பு+மஞ்சள்தூள்+சாம்பார் பொடி+தேவையானளவு நீர் சேர்த்து வேகவைக்கவும்.

*கத்திரிக்காய் வெந்ததும் அரைத்த தேங்காய் விழுதை சேர்த்து 5நிமிடம் கொதிக்கவிடவும்.

*பின் வேகவைத்த துவரம்பருப்பை சேர்த்து சிறிது நேரம் கொதிக்கவைத்து தாளிக்க கொடுத்துள்ளவைகளை தாளித்து சேர்க்கவும்.

பி.கு
கத்திரிக்காய் பதில் முருங்கைக்காய்,பீர்க்கங்காய் சேர்த்து செய்யலாம்.
Thursday 8 March 2012 | By: Menaga Sathia

செக்கர்போர்ட் கேக் /Checkerboard Cake

ரொம்ப நாளாக இந்த கேக் செய்யனும் ஆசை.இதுதான் என்னுடைய முத்ல் கேக் டெகரெஷனும் கூட.ஏதோ ஒரளவுக்கு செய்துருக்கேன்.இன்னும் போகபோக சரியாக வரும்னு நினைக்கிறேன்.

இந்த கேக் செய்வதற்குன்னு கேக் செட் கடைகளில் கிடைக்கிறது.என்னிடம் உள்ள வட்ட வடிவ 1 கேக் பானிலயே நான் 3 முறை பேக் செய்து எடுத்தேன். கொஞ்சம் வேலைப்பாடுதான் ஆனாலும் கட் செய்து பார்க்க அழகா இருக்கும்.

நான் 3 லேயரில் மட்டும் செய்தேன்.இன்னும் 4 லேயர்களில் செய்தால் இன்னும் அழகா இருக்கும்.இந்த சைட்டில் cookiemadness.net பார்த்து செய்தேன்.இந்த வீடியோவையும் பார்த்தால் உங்களுக்கு ஒரு ஐடியா கிடைக்கும்.

என்னிடம் சாக்லேட் இல்லாததால் கோகோ பவுடரிலேயே கேக்+ப்ராஸ்டிங் செய்தேன்.

தே.பொருட்கள்
மைதா - 2 1/4 கப்
சர்க்கரை -2 கப்
உப்பு -1/2 டீஸ்பூன்
பேக்கிங் பவுடர் -2 டீஸ்பூன்
வெண்ணெய் - 200 கிராம்
முட்டை -3
வெனிலா எசன்ஸ் -2 டீஸ்பூன்
கோகோ பவுடர் -1/2 கப்
பால் -1/2 கப்

ப்ராஸ்டிங் செய்ய
வெண்ணெய் - 250 கிராம்
சர்க்கரை - 4 கப் நைசாக பொடித்தது
வெனிலா எசன்ஸ் - 1 டீஸ்பூன்
பால் -1 டேபிள்ஸ்பூன்
கோகோ பவுடர் - 3 டேபிள்ஸ்பூன்

செய்முறை

*முட்டை+வெண்ணெய் இவ்விரண்டும் அறை வெப்பநிலையில் இருக்கவேண்டும்.

*மைதா+உப்பு+பேக்கிங் பவுடர் 3 முறை சலிக்கவும்.

*முட்டை மஞ்சள் கரு+வெள்ளை தனியாக பிரித்தெடுத்தெடுத்து,வெள்ளை கருவை நன்கு நுரைவரும் வரை பீட் செய்து வைக்கவும்.

*வெண்ணெய்+சர்க்கரை+மஞ்சள் கரு சேர்த்து நன்கு பீட் செய்ததும் அதனுடன் வெள்ளை கரு+பால் செர்த்து கலக்கவும்.

*கொஞ்ச கொஞ்சமாக மைதா கலவையை சேர்த்து மெதுவாக கலக்கவும்.

*நன்கு கலகியதும் 2 சம பங்காக பிரித்து ஒன்றில் வெனிலா எசன்ஸும்,இன்னொன்றில் கோகோ பவுடரையும் கலந்து வைக்கவும்.

*கேக் செய்யும் பானில் வெண்ணெய் தடவி மைதாவை தூவி விடவும்.அதிகபடியான மாவை கீழே கொட்டவும்.அவனை 180 முற்சூடு 10நிமிடம் முற்சூடு செய்யவும்.

*2 பைப்பிங் பேக்கில் வெனிலா கலவை+கோகோ கலவையைநிரப்பவும்.

*முதலில் நடுவில் வெனிலா கலவையை 3முறை சுற்றியும்,அடுத்து சாக்லேட் கலவையை 4 முறை சுற்றியும்,அடுத்து வெனிலா கலவையை முழுவதுமாக சுற்றி எடுக்கவும்.

*இதனை 180°C முற்சூடு செய்த அவனில் 20 நிமிடம் பேக் செய்து எடுக்கவும்.

*இந்த அதிகப்படியான வெனிலா கலவை உள்ள கேக்கை 2 முறை பேக் செய்து எடுத்தேன்.

 *அடுத்து சாக்லேட் கலவையைநடுவிலும் ஓரத்திலும் மேற்சொன்ன சுற்று அளவில் சுற்றி ,நடுவில் வெனிலா கலவையை சுற்றி எடுத்து பேக் செய்யவும்..

*நம் விருப்பத்திற்கேற்ப அதிகப்படியான சாக்லேட் கலவை 2 முறை+வெனிலா கலவை 1 ஒருமுறை என பேக் செய்யலாம்.
 ப்ராஸ்டிங் செய்ய

*வெண்ணெயும்,சர்க்கரையும் நன்கு நுரை வரும்வரை பீட் செய்யவும்.

*அதனுடன் எசன்ஸ்+பால்+கோகோ பவுடரை கலக்கவும்.

கேக் அடுக்கும் முறை

*முதலில் அதிகப்படியான வெனிலா கலவை உள்ள் கேக்கை வைத்து அதன்மேல் ப்ராஸ்டிங்கை தடவி அதன்மேல் அதிகப்படியான சாக்லேட் கேக்கை வைத்து ப்ராஸ்டிங்கை தடவி அதன்மேல் வெனிலா கேக் வைத்து மேற்புறத்திலும் ஓரங்களிலும் ப்ராஸ்டிங்கை தடவி விரும்பிய வடிவில் டெகரேட் செய்யவும்.
 *கேக் கட் செய்த பின் எடுத்தது...


பி.கு

*இதனை 4 லேயராக வேறு முறையில் செய்யவேண்டுமெனில் 2 ப்ளெயின் வெனிலா கேக்+2 ப்ளெயின் சாக்லேட் கேக் செய்யவும்.

*ஒவ்வொன்றையும் 3 வட்ட வடிவில் ஒரே அளவில் வெட்ட வேண்டும்.

*அதனை வெனிலா கேக் உள்ளே சாக்லேட் கேக்கின் நடுப்பகுதி+அதனுள்ளே சிறிய வடிவ வெனிலா கேக் என அடுக்கவும்.
இப்படியே ஆல்டர்னேட்டாக மாற்றி அடுக்கவும்.

*மேற்சொன்னவாறு  வெனிலா+சாக்லேட்கேக் என மாற்றி அடுக்கி ப்ராஸ்டிங் செய்து டெகரேஷன் செய்யவும்.
Monday 5 March 2012 | By: Menaga Sathia

சுகினி பொரியல் /Zuchchini Poriyal

தே.பொருட்கள்

சுகினி - 2
மிளகாய்த்தூள் - 1 டீஸ்பூன்
வேர்க்கடலை - 1/4 கப்
பொடியாக நறுக்கிய வெங்காயம் - சிறிது
கடுகு,உளுத்தம்பருப்பு - 1/4 டீஸ்பூன்
கறிவேப்பிலை - சிறிது
உப்பு+எண்ணெய் = தேவைக்கு

செய்முறை

*சுகினியை பொடியாக நறுக்கவும்.

*கடாயில் எண்ணெய் விட்டு கடுகு+உளுத்தம்பருப்பு+கறிவேப்பிலை போட்டு தாளித்து சுகினி+உப்பு+மிளகாய்த்தூள் சேர்த்து சிறிதளவு நீர் விட்டு வேகவைக்கவும்.

*சுகினி வெந்ததும் வேர்க்கடலையை பொடித்து சேர்த்து இறக்கவும்.

பி.கு
*சுகினியை தோல் சீவி சமைக்ககூடாது.தோலில் தான் அதிக சத்துக்கள் இருக்கு.மேலும் தோல் சீவி சமைத்தால் காய் குழைந்து விடும்.

*வேகவைக்கும் போது சிறிதளவு நீர் சேர்த்தாலே போதும்.

*இதனுடன் குட்டி இறால் சேர்த்தும் சமைக்கலாம்.

Thursday 1 March 2012 | By: Menaga Sathia

ஆப்பிள் அல்வா/Apple Halwa

தே.பொருட்கள்

துருவிய சிகப்பு ஆப்பிள் -2 கப்
சர்க்கரை -3/4  கப் / இனிப்பிற்கேற்ப
ஏலக்காய்த்தூள் -1/4 டீஸ்பூன்
நெய் - 2 டேபிள்ஸ்பூன்
முந்திரி - தேவைக்கு
கேசரி கலர் -1 சிட்டிகை

செய்முறை

*கடாயில் சிறிது நெய் விட்டு முந்திரியை வறுத்து எடுக்கவும்.

*மேலும் சிறிது நெய் விட்டு ஆப்பிளை போட்டு பச்சை வாசனை போக வதக்கவும்.

*நன்கு நீர் சுண்டி ஆப்பிள் வெந்ததும் சர்க்கரை+ஏலக்காய்த்தூள்+கேசரிகலர் சேர்த்து கெட்டியாகும் வரை கிளறவும்.

*பின் வறுத்த முந்திரி சேர்த்து இறக்கவும்.
01 09 10