Monday 31 May 2010 | By: Menaga Sathia

சிக்கன் கட்லட்

தே.பொருட்கள்:

எலும்பில்லாத சிக்கன் - 1/4 கிலோ
வேகவைத்து மசித்த உருளைக்கிழங்கு - 1 பெரியது
வரமிளகாய்த்தூள் - 1/2 டேபிள்ஸ்பூன்
மஞ்சள்தூள் - 1/4 டீஸ்பூன்
கரம் மசாலா - 1/4 டீஸ்பூன்
பொடியாக அரிந்த வெங்காயம் - 1 பெரியது
பொடியாக அரிந்த பச்சை மிளகாய் - 2
பொடியாக அரிந்த புதினா,கொத்தமல்லி - சிறிதளவு
பொடித்த ஒட்ஸ் - தே.அளவு
உப்பு+எண்ணெய் = தேவைக்கு

செய்முறை :
*சிக்கனில் வரமிளகாய்த்தூள்+மஞ்சள்தூள்+உப்பு+கரம் மசாலா+சிறிதளவு நீர் விட்டு 2 விசில் வரை வேகவைக்கவும்.

*சிக்கனில் நீர் இருந்தால் அதனை வற்றும் வரை நன்கு பிரட்டவும்.

*ஆறியதும் கையால் நன்கு உதிர்த்து வெங்காயம்+பச்சைமிளகாய்+உருளைக்கிழங்கு+புதினா கொத்தமல்லி+தேவையானளவு உப்பு சேர்த்து நன்கு கெட்டியாக பிசையவும்.

*தளர்த்தியாக இருந்தால் பொடித்த ஒட்ஸினை சிறிதளவு சேர்த்து 5 நிமிடம் வைக்கவும்.

*தேவையானளவில் உருண்டையாக எடுத்து விரும்பிய வடிவில் செய்து ஒட்ஸில் பிரட்டி 15 நிமிடம் ப்ரிட்ஜில் வைக்கவும்.

*பின் தவாவில் எண்ணெய் விட்டு இருபுறமும் வேகவிட்டு எடுக்கவும்.
Sunday 30 May 2010 | By: Menaga Sathia

தக்காளி பச்சைமிளகாய் தொக்கு/Tomato Greenchilly Thokku

தக்காளிசட்னியில் மிளகாய்த்தூளுக்கு பதில் காரத்துக்கு பச்சை மிளகாய் சேர்த்து செய்து பாருங்கள்.சுவையும்,வாசனையும் தூக்கலாக இருக்கும்.
 
தே.பொருட்கள்:
துண்டுகளாக நறுக்கிய தக்காளி - 7
கெட்டி புளிசாறு - 3 டேபிள்ஸ்பூன்
சிறுதுண்டுகளாக நறுக்கிய பச்சை மிளகாய் - 15 -20(அவரவர் காரத்திற்கேற்ப)
உப்பு+எண்ணெய் = தேவைக்கு

தாளிக்க:
கடுகு - 1/4 டீஸ்பூன்
உளுத்தம்பருப்பு - 1/4டீஸ்பூன்
கறிவேப்பிலை - சிறிது
 
செய்முறை :
*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து தக்காளியைபோட்டு நன்கு வதக்கவும்.

*பின் புளிசாறு+உப்பு+பச்சை மிளகாய் சேர்த்து நன்கு எண்ணெய் பிரிந்து வரும்வரை வதக்கி எடுக்கவும்.

*இட்லி,தோசை,தயிர் சாதத்திற்க்கு பொருத்தமாக இருக்கும்.
Friday 28 May 2010 | By: Menaga Sathia

ரவை வெண்பொங்கல்

தே.பொருட்கள்:

ரவை - 1 கப்
பாசிப்பருப்பு - 1/2 கப்
முந்திரி - தேவைக்கு
துருவிய இஞ்சி - 1/2 டீஸ்பூன்
பெருங்காயத்தூள் - 1/4 டீஸ்பூன்
மிளகு - 3/4 டீஸ்பூன்
சீரகம் - 1 டீஸ்பூன்
மஞ்சள்தூள் - 1 டிட்டிகை
கறிவேப்பிலை - சிறிது
நெய் - 1 டேபிள்ஸ்பூன்
பால் - 1 கப்
கொதி நீர் - 2 கப்
உப்பு+எண்ணெய் = தேவைக்கு
 
செய்முறை :
* பாசிப்பருப்பை மஞ்சள்தூள்+உப்பு சேர்த்து குழைய வேகவைக்கவும்.

*பாத்திரத்தில் நெய்+எண்ணெய் விட்டு மிளகு+இஞ்சி+கறிவேப்பிலை+முந்திரி+பெருங்காயத்தூள்+சீரகம் நைத்தையும் ஒன்றன் பின் ஒன்றாக போட்டு வறுக்கவும்.

*பின் ரவையையும் சேர்த்து நன்கு வறுக்கவும்.ரவை வறுபட்டதும் பால்+கொதிநீர் சேர்த்து வேகவிடவும்.

*ரவை வெந்ததும் வேகவைத்த பாசிப்பருப்பு+உப்பு சேர்த்து நன்கு கிளறி இறக்கவும். சட்னி,சாம்பாருடன் பரிமாறவும்.

Sending this recipe to CWS - cumin seeds event by SARA started PRIYA

விருதுகள்
ஜெய் அவர்கள் கொடுத்த விருது.மிக்க நன்றி ஜெய்!!






அஹமது கொடுத்த விருது.மிக்க நன்றி சகோ!!


Thursday 27 May 2010 | By: Menaga Sathia

தயிர் கேக்

என் அக்காவிடம் சுட்ட குறிப்பு...
 
தே.பொருட்கள்:
மைதா மாவு - 250 கிராம்
சர்க்கரை - 250 கிராம்
தயிர் - 125 கிராம்
வெனிலா சர்க்கரை - 1 பாக்கெட்
முட்டை - 3
பட்டர் - 1/2 கப்
பேக்கிங் பவுடர் - 1 டீஸ்பூன்
செய்முறை :
*முட்டை+சர்க்கரை+பட்டர் நன்கு கரையும் வரை அடிக்கவும்.மைதாமாவில் பேக்கிங் பவுடரை கலந்து வைக்கவும்.

*சர்க்கரை கரைந்ததும் மாவு+தயிர்+வெனிலா சர்க்கரை அனைத்தையும் ஒன்றாக கலந்து கேக் செய்யும் பாத்திரத்தில் பட்டர் தடவி கலவையை ஊற்றவும்.

*அவனை 180°C முற்சூடு செய்து 25 - 30 நிமிடம் பேக் செய்து எடுக்கவும்.
 
பி.கு:
தயிரை எந்த கப்பில் அளக்கிறமோ அந்த கப்பில் தான் மாவு+சர்க்கரை அளக்க வேண்டும்.நான் தயிர் இருக்கும் கப்பிலயே அளந்து போட்டுள்ளேன்.உதாரணமாக தயிர் 1 கப் என்றால் மாவு = சர்க்கரை = 2 கப் போடவேண்டும்.
Wednesday 26 May 2010 | By: Menaga Sathia

முளைபயிறு மசியல்

தே.பொருட்கள்:

முளைகட்டிய கொள்ளு,பச்சைபயிறு - தலா 1/2கப்
பொடியாக அரிந்த வெங்காயம் - 1 சிறியது
பொடியாக அரிந்த தக்காளி - 1 சிறியது
கீரிய பச்சை மிளகாய் - 2
தனியாத்தூள் - 1 டீஸ்பூன்
சீரகம் - 1 டீஸ்பூன்
கறிவேப்பிலை - சிறிது
உப்பு+எண்ணெய் = தேவைக்கு
 
செய்முறை :
*குக்கரில் எண்ணெய் விட்டு சீரகம்+கறிவேப்பிலை போட்டு தாளித்து வெங்காம்+பச்சை மிளகாய்+தக்காளி+தனியாத்தூள் அனைத்தையும் ஒன்றன் பின் ஒன்றாக போட்டு வதக்கவும்.

*பின் முளைபயிறுகள்+தேவையானளவு நீர்+உப்பு சேர்த்து 6 - 7 விசில் வரை வேகவைத்து எடுத்து பரிமாறவும்.

*சப்பாத்தி,சாதம் அனைத்திற்கும் நன்றாகயிருக்கும்.
Tuesday 25 May 2010 | By: Menaga Sathia

கினோவா கட்லட் (அவன் செய்முறை) / Quinoa Cutlet

தே.பொருட்கள்:

வேகவைத்த கினோவா - 1/2 கப்
முளைகட்டிய பச்சைபயிறு,சென்னா - 1 கப்
பொடியாக அரிந்த வெங்காயம் - 1
பொடியாக அரிந்த பச்சை மிளகாய் - 2
பொடியாக அரிந்த புதினா,கொத்தமல்லித்தழை - சிறிதளவு
சீரகத்தூள் - 1/4 டீஸ்பூன்
ப்ரோசன் பட்டாணி - 1 கைப்பிடி
உப்பு+எண்ணெய் = தேவைக்கு
 
செய்முறை :
*முளைகட்டிய பயிறுகளை ஆவியில் வேகவைத்து மசித்துக்கொள்ளவும்.

*அதனுடன் எண்ணெய் நீங்கலாக அனைத்து பொருட்களையும் ஒன்றாக கலந்து தேவையான அளவில் உருண்டை செய்து விருப்பமான வடிவில் கட்லட்டுகளாக செய்துக் கொள்ளவும்.

*அவன் டிரேயில் வைத்து ஒவ்வொரு கட்லட் மீதும் 1 சொட்டு எண்ணெய் தடவும்.ஒரு புறம் வெந்ததும் மறுபுறம் திருப்பிவிட்டு 1 சொட்டு எண்ணெய் தடவவும்.

*அவனை 190°C டிகிரி முற்சூடு செய்து 30-40 நிமிடங்கள் பேக் செய்து எடுக்கவும்.
Monday 24 May 2010 | By: Menaga Sathia

வெஜ் இடியாப்பம்

தே.பொருட்கள்:

வேகவைத்து உதிர்த்த இடியாப்பம் - 2 கப்
பொடியாக நறுக்கிய வெங்காயம் - 1 சிறியது
பொடியாக நறுக்கிய தக்காளி - 1
கீறிய பச்சை மிளகாய் - 2
இஞ்சிபூண்டு விழுது - 1 டீஸ்பூன்
மிளகாய்த்தூள் - 1/2 டேபிள்ஸ்பூன்
மஞ்சள்தூள் - 1/4 டீஸ்பூன்
பொடியாக நறுக்கிய புதினா கொத்தமல்லி - 1 கைப்பிடி
ப்ரோசன் பட்டாணி - 1 கைப்பிடி
துருவிய கேரட் - 1
பொடியாக அரிந்த பீன்ஸ் - 10
உப்பு+எண்ணெய் = தேவைக்கு
 
செய்முறை :

*கடாயில் எண்ணெய் விட்டு வெங்காயம்+பச்சை மிளகாய்+இஞ்சி பூண்டு விழுது+தக்காளி+மஞ்சள்தூள்+மிளகாய்த்தூள்+உப்பு+புதினா கொத்தமல்லி+காய்கறிகள் அனைத்தையும் ஒன்றன் பின் ஒன்றாக போட்டு வதக்கவும்.

*பின் 3/4 கப் நீர் விட்டு கொதிக்கவிடவும்.

*காய்கள் நன்கு வெந்ததும் உதிர்த்த இடியாப்பத்தை போட்டு கிளறி இறக்கவும்.குழந்தைகளுக்கு மிகவும் பிடிக்கும்.

*வெஜ் பிரியாணி மாதிரி இருக்கும் இந்த இடியாப்பம்..
Sunday 23 May 2010 | By: Menaga Sathia

மாம்பருப்பு குழம்பு

வெயில் காலத்தில் மாங்காயை பக்கவாட்டில் மட்டும் பிளந்து உப்பில் போட்டு நன்கு காயவைத்து உபயோகப்படுத்துவோம்.அந்த மாங்காயின் சதைப்பகுதியை நீக்கிவிட்டு உள்ளிருக்கும் கொட்டையை மட்டும் எடுத்து சமைக்க பயன்படுத்தலாம்.இந்த மாம்பருப்பு குழம்பு வயிற்றுப்போக்கு இருக்கும் சமயத்தில் உண்டால் நல்லது.

தே.பொருட்கள்:
காயவைத்தெடுத்த மாங்கொட்டை - 2
புளிகரைசல் - 1 1/2 கப்
மிளகாய்த்தூள் - 1 டேபிள்ஸ்பூன்
சின்ன வெங்காயம் - 10
பூண்டுப்பல் - 5
மிளகு - 1/2 டீஸ்பூன்
சீரகம் - 1/4 டீஸ்பூன்
கறிவேப்பிலை - சிறிது
வடகம் - 1 டேபிள்ஸ்பூன்
உப்பு+நல்லெண்ணெய் = தேவைக்கு
 
செய்முறை :
*மாங்கொட்டையை சுத்தியால் தட்டி பொடிக்கவும்.

*பின் கடாயில் எண்ணெய் விட்டு மாங்கொட்டை+சீரகம்+மிளகு+சின்ன வெங்காயம்+பூண்டு+கறிவேப்பிலை அனைத்தையும் வதக்கி மைய அரைக்கவும்.

*புளிகரைசலில் உப்பு+மிளகாய்த்தூள்+அரைத்த விழுது சேர்த்து கலந்து வைக்கவும்.

*பாத்திரத்தில் எண்ணெய்விட்டு வடகத்தை போட்டு தாளித்து புளிகரைசலை ஊற்றி கொதிக்கவிட்டு எண்ணெய் பிரிந்து வரும் போது இறக்கி பரிமாறவும்.
Sending this recipe to Shabitha's CELEBRATING MOM event
Friday 21 May 2010 | By: Menaga Sathia

மட்டன் சுக்கா வறுவல்

இந்த குறிப்பு டி.வியில் பார்த்து செய்தது.

தே.பொருட்கள்:
மட்டன் - 3/4 கிலோ
நீளவாக்கில் அரிந்த வெங்காயம் - 1
அரிந்த தக்காளி - 1
மிளகுத்தூள் - 1 டீஸ்பூன்
இஞ்சிப்பூண்டு விழுது - 1/2 டேபிள்ஸ்பூன்
மிளகாய்த்தூள் - 1 டேபிள்ஸ்பூன்
உப்பு+எண்ணெய் = தேவைக்கு

தாளிக்க:
சோம்பு - 1 1 /2 டீஸ்பூன்
கறிவேப்பிலை - சிறிது
காய்ந்த மிளகாய் - 4

மட்டனில் வேகவைக்க:

மஞ்சள்தூள் - 1 சிட்டிகை
கரம் மசாலா - 1/2 டீஸ்பூன்
அரிந்த வெங்காயம்+தக்காளி - தலா 1
மிளகுத்தூள் - 1/2 டீஸ்பூன்
மிளகாய்த்தூள் - 1/2 டேபிள்ஸ்பூன்

செய்முறை :

*சுத்தம் செய்த மட்டனில் வேக வைக்க கொடுத்துள்ளவைகளை போட்டு சிறிது நீர் விட்டு 3 விசில் வரை வேக வைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து வெங்காயம்+தக்காளி+இஞ்சி பூண்டு விழுது+தூள்வகைகள் சேர்த்து வதக்கி வேகவைத்த மட்டன்+உப்பு சேர்த்து நன்கு சுருள வதக்கி இறக்கவும்.

*கொஞ்சம் காரம் அதிகமா இருக்கும்.காரம் குறைவாக சாப்பிடுபவர்கள் அளவுகளை குறைத்து போடவும்.
Thursday 20 May 2010 | By: Menaga Sathia

தேங்காய் இடியாப்பம்

தே.பொருட்கள்:
இடியாப்ப மாவு - 1 கப்
தேங்காய்த்துருவல் - 1/2 கப்
வேர்க்கடலை - 1 கைப்பிடி
பொடியாக அரிந்த வெங்காயம் - 1 சிறியது
உப்பு+எண்ணெய் = தேவைக்கு

தாளிக்க:
கடுகு - 1/2 டீஸ்பூன்
உளுத்தம்பருப்பு - 1டீஸ்பூன்
பெருங்காயம் - வாசனைக்கு
காய்ந்த மிளகாய் - 2
கறிவேப்பிலை - சிறிது
 
செய்முறை :

*இடியாப்ப மாவில் தேவையான உப்பு சேர்த்து கொதிக்கும் நீர் சேர்த்து கரண்டியால் சப்பாத்தி மாவு பதத்திற்க்கு பிசையவும்.

*பிசைந்த மாவை இடியாப்ப அச்சில் போட்டு பிழிந்து ஆவியில் வேகவைத்து உதிர்த்துக் கொள்ளவும்.

*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து வேர்க்கடலை+வெங்காயம்+தேங்காய்த்துருவல் சேர்த்து வதக்கிய பின் உதிர்த்த இடியாப்பத்தை சேர்த்து நன்கு கிளறி இறக்கவும்.
 
பி.கு:
*உப்பு தேவையானால் மட்டும் சேர்க்கவும்.இதில் பொரித்த அப்பளத்தை நொறுக்கி போட்டால் இன்னும் சுவையாக இருக்கும்.
Wednesday 19 May 2010 | By: Menaga Sathia

ஸ்டப்டு காளான் - 1 / Stuffed Mushroom - 1

தே.பொருட்கள்:

பட்டன் காளான் - 5
பொடியாக நறுக்கிய வெங்காயம் - 1 சிறியது
பொடியாக நறுக்கிய குடமிளகாய் - 1 டேபிள்ஸ்பூன்
சீரகம் - 1/2 டீஸ்பூன்
சீஸ் துருவல் - 3 டேபிள்ஸ்பூன்
உப்பு+எண்ணெய் = தேவைக்கு
 
செய்முறை :

* காளானை கழுவி அதன் தண்டுப்பகுதியை பொறுமையாக கத்தியால் கீறி எடுக்கவும்.அனைத்து தண்டுப்பகுதிகளையும் எடுத்து பொடியாக கட் செய்யவும்.

*கடாயில் சிறிது எண்ணெய் விட்டு சீரகம் போட்டு தாளித்து வெங்காயம்+நறுக்கிய தண்டுப்பகுதி காளான்+குடமிளகாய்+உப்பு சேர்த்து நன்கு வதக்கி இறக்கவும்.

*காளானில் இந்த ஸ்டப்பிங் வைத்து அதன் மேல் சீஸ்துறுவல் வைத்து முற்சூடு செய்த அவனில் 190 டிகிரிக்கு 15 நிமிடம் பேக் செய்து எடுக்கவும்.

*இதை அப்படியே ஸ்நாக்ஸாக சாப்பிடலாம்.

Tuesday 18 May 2010 | By: Menaga Sathia

கோதுமைரவை ஸ்டப்டு பன்

தே.பொருட்கள்:

கோதுமைரவை - 1/2 கப்
கோதுமைமாவு - 3 கப்
சர்க்கரை - 1 டீஸ்பூன்
ஈஸ்ட் - 1டீஸ்பூன்
வெதுவெதுப்பான நீர் - 1/4 கப்
உப்பு - தேவைக்கு

ஸ்டப்பிங் செய்ய:
பொடியாக அரிந்த வெங்காயம் - 1 சிறியது
பொடியாக அரிந்த கலர் குடமிளகாய் - 1/4 கப்
இஞ்சி பூண்டு விழுது - 1 டீஸ்பூன்
கறிவேப்பிலை - சிறிது
சீரகம் - 1 டீஸ்பூன்
மிளகாய்த்தூள் - 1/2 டீஸ்பூன்
உப்பு+எண்ணெய் = தேவைக்கு
 
செய்முறை :
*கோதுமைரவையில் 1 கப் கொதிக்கும் நீரைவிட்டு ஊறவிடவும்.சிறிது நேரத்தில் ஊறியிருக்கும்.

*வெதுவெதுப்பான நீரில் ஈஸ்ட்+சர்க்கரை கலந்து 5 நிமிடம் வைக்கவும்.

*கோதுமை மாவையும் ரவையும் தேவையான உப்பு சேர்த்து கலந்து ஈஸ்ட் கலந்த நீரை ஊற்றி கெட்டியாக பிசைந்து ஈரமான துணியால் மூடி வெப்பமான இடத்தில் வைக்கவும்.

*1 மணிநேரத்தில் மாவு 2மடங்காக உப்பியிருக்கும்,மறுபடியும் நன்கு பிசைந்து 1மணிநேரம் வெப்பமான இடத்தில் வைக்கவும்.

*ஒரு கடாயில் எண்ணெய் விட்டு சீரகம்+கறிவேப்பிலை போட்டு தாளித்து வெங்காயம்+இஞ்சி பூண்டு விழுது சேர்த்து வதக்கவும்.

*பின் மிளகாய்த்தூளை சேர்த்து பச்சை வாசனை போகும்வரை வதக்கி குடமிளகாயை சேர்த்து லேசாக வதக்கி இறக்கினால் ஸ்டப்பிங் ரெடி.

*மாவை நன்கு மிருதுவாக பிசைந்து தேவையானளவில் உருண்டைகள் போடவும்.

*ஒவ்வொரு உருண்டையிலும் ஸ்டப்பிங் கலவையை வைத்து நன்கு மூடி அவன் டிரேயில் வைத்து 1/2 மணிநேரம் வைக்கவும்.மறுபடியும் உருண்டை நன்கு உப்பி வருவதற்காகதான் 1/2 மணிநேரம் வெளியில் வைக்கிறோம்.

*அவனை 230 முற்சூடு செய்து 20 - 30 பேக் செய்து எடுக்கவும்.
  
பி.கு:

*ஸ்டப்பிங் அவரவர் விருப்பத்துக்கேற்ப வைக்கலாம்.இந்த அளவிற்க்கு நார்மலாக 6 உருண்டைகள் வரும்.
Sunday 16 May 2010 | By: Menaga Sathia

கோஃப்தா பிரியாணி

தே.பொருட்கள்:

பாஸ்மதி - 2 கப்
தேங்காய்ப்பால் - 1 1/2 கப்
நீளவாக்கில் அரிந்த வெங்காயம் - 1
அரிந்த தக்காளி - 1
கீறிய பச்சை மிளகாய் - 2
மஞ்சள்தூள் - 1/4 டீஸ்பூன்
மிளாகாய்த்தூள் - 1/4 டேபிள்ஸ்பூன்
இஞ்சி பூண்டு விழுது - 1 டீஸ்பூன்
பட்டர் - 1 டேபிள்ஸ்பூன்
புதினா,கொத்தமல்லிதழை - 1 கைப்பிடி
உப்பு+எண்ணெய் = தேவைக்கு

தாளிக்க:
பிரியாணி இலை - 2
கிராம்பு - 3
பட்டை - 1 துண்டு
ஏலக்காய் - 2

கோஃப்தா செய்ய:
புடலங்காய் - 1 நடுத்தரசைஸ்
பொட்டுக்கடலை மாவு - 1/2 கப்
சின்ன வெங்காயம் - 5
காய்ந்த மிளகாய் - 3
சோம்பு - 1 டீஸ்பூன்
 
செய்முறை :
*புடலங்காயை நறுக்கி உப்பு+மஞ்சள்தூள் சேர்த்து பிசைந்து 15 நிமிடம் வைக்கவும்.

*பின் நன்கு அலசி நீரை நன்கு பிழிந்து,அதனுடன் கா.மிளகாய்+உப்பு+சோம்பு+சின்ன வெங்காயம் சேர்த்து கொரகொரப்பாக அரைத்துக் கொள்ளவும்.

*அரைத்த விழுதுடன் பொட்டுக்கடலை மாவு சேர்த்து கெட்டியாக பிசையவும்.பதம் தளர்த்தியாக இருந்தால் மேலும் சிறிது பொட்டுக்கடலை மாவை சேர்த்து பிசைந்து உருண்டைகளாக உருட்டி எண்ணெயில் பொரித்து வைக்கவும்.

*குக்கரில் பட்டர்+எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம்+பச்சை மிளகாய்+இஞ்சி பூண்டு விழுது+தக்காளி+தூள் வகைகள்+புதினா கொத்தமல்லி+உப்பு சேர்த்து நன்கு வதக்கவும்.

*வதங்கியதும் அரிசி+தேங்காய்ப்பால்+1 1/2 கப் நீர் சேர்த்து 3 விசில் வரை வேகவைக்கவும்.

*ப்ரெஷர் அடங்கியதும் குக்கரை திறந்து கோஃப்தாக்களைப் போட்டு உடையாமல் கிளறி 5 நிமிடம் மூடி பின் பரிமாறவும்.
 
பி.கு:
புடலங்காய்க்கு பதில் கோஸ்,இறால் சேர்த்தும் செய்யலாம்.
Friday 14 May 2010 | By: Menaga Sathia

இறால் ஒட்ஸ் ப்ரை

தே.பொருட்கள்:

பெரிய இறால் - 25
மிளகாய்த்தூள் - 1 டேபிள்ஸ்பூன்
இஞ்சி பூண்டு விழுது - 1 டீஸ்பூன்
முட்டை - 1
ஒட்ஸ் - 1/4 கப்
உப்பு + எண்ணெய் = தேவைக்கு
 
செய்முறை :

*இறாலின் தோலை முழுவதும் உரிக்காமல் வால்பகுதியை மட்டும் உரிக்காமல் விடவும்.

*சுத்தம் செய்து அதில் இஞ்சி பூண்டு விழுது+மிளகாய்தூள்+உப்பு சேர்த்து பிரட்டி வைக்கவும். முட்டையை நன்கு கலக்கிக் கொள்ளவும்.

*பின் ஒவ்வொரு இறாலையும் முட்டையில் நனைத்து பின் ஒட்ஸில் பிரட்டி ப்ரிட்ஜில் 1/2 மணிநேரம் வைத்திருந்து எண்ணெயில் பொரித்தெடுக்கவும்.
Wednesday 12 May 2010 | By: Menaga Sathia

பனீர் கோஃப்தா

தே.பொருட்கள்:

கோஃப்தா செய்ய:துருவிய பனீர் - 100 கிராம்
வேக வைத்து மசித்த உருளைக்கிழங்கு - 1 பெரியது
வரமிளகாய்த்தூள் - 1/4 டீஸ்பூன்
சோளமாவு - 1 டேபிள்ஸ்பூன்
கரம் மசாலா - 1/4 டீஸ்பூன்
எண்ணெய் - பொரிக்க

க்ரேவிக்கு:
அரிந்த வெங்காயம் - 1
அரிந்த தக்காளி - 2
பொடியாக நறுக்கிய கொத்தமல்லித்தழை - சிறிதளவு
உப்பு - தேவைக்கு
சீரகம் - 1/2 டீஸ்பூன்
வரமிளகாய்த்தூள் - 1/2 டேபிள்ஸ்பூன்
மஞ்சள்தூள் - 1/4 டீஸ்பூன்
பட்டர் - 2 டேபிள்ஸ்பூன்
 
செய்முறை :

*கோஃப்தா செய்ய கொடுத்துள்ள பொருட்களில் எண்ணெய் நீங்கலாக அனைத்தையும் ஒன்றாக கலந்து உருண்டைகளாக எண்ணெயில் பொன்னிறமாக பொரித்தெடுக்கவும்.

*கடாயில் சிறிது பட்டர் விட்டு வெங்காயம்+தக்காளி+தூள்வகைகள் அனைத்தையும் ஒன்ரன் பின் ஒன்றாக போட்டு வதக்கி ஆறவைத்து நைசாக அரைக்கவும்.

*கடாயில் மீதமுள்ள பட்டரை விட்டு சீரகத்தைப் போட்டு தாளித்து அரைத்த மசாலா + தேவையான நீர்+உப்பு சேர்த்து 5 நிமிடம் கொதிக்கவைக்கவும்.

*பரிமாறும் போது க்ரேவியை சூடு செய்து கோப்தாக்களைப்போட்டு மல்லித்தழை தூவி பரிமாறவும்.

பி.கு:
தேவையானால் சிறிது ப்ரெஷ் கீரிம் சேர்த்தும் பரிமாறலாம்.பரிமாறும் போது கோப்தாக்களை போடவும்.
Tuesday 11 May 2010 | By: Menaga Sathia

சின்ன வெங்காய சட்னி/Small Onion Chutney



எங்க அம்மா செய்யும் இந்த சட்னி எனக்கு ரொம்ப பிடித்தமானது.அவரசத்துக்கு உடனே செய்துவிடலாம்.சூடான இட்லியுடன் இந்த சட்னியை தொட்டு சாப்பிட இன்னும் நிறைய சாப்பிட தோனும்.

தே.பொருட்கள்:
சின்ன வெங்காயம் - 1 கப்
காய்ந்த மிளகாய் - 15
புளி - 1 நெல்லிகாயளவு
உப்பு - தேவைக்கு
நல்லெண்ணெய் - தேவைக்கு

செய்முறை :
* மேற்கூறிய பொருட்களில் எண்ணெய் தவிர அனைத்தையும் பச்சையாக மிக்ஸியில் மைய அரைக்கவும்.

*பின் நல்லெண்ணெயை நிறைய ஊற்றி கலந்து 1/2 மணிநேரம் கழித்து சாப்பிட நன்றாகயிருக்கும்.
 
பி.கு:
எண்ணெய் நிறைய ஊற்றினால்தான் காரம் தெரியாது.உடனே சாப்பிடுவதைவிட எண்ணெயில் ஊறிய பிறகு சாப்பிட நன்றாகயிருக்கும்.

Monday 10 May 2010 | By: Menaga Sathia

கினோவா(Quinoa) சாலட்

தே.பொருட்கள்:

வேக வைத்த கினோவா - 1/2 கப்
பொடியாக நறுக்கிய தக்காளி,வெள்ளரிக்காய் - 1/4 கப்
பொடியாக நறுக்கிய குடமிளகாய் - 1 டேபிள்ஸ்பூன்
அவகோடா - 1
எலுமிச்சை சாறு - புளிப்பிற்கேற்ப
ஆலிவ் எண்ணெய் - 1 டீஸ்பூன்
மிளகுத்தூள் - 1/4 டீஸ்பூன்
உப்பு - தேவைக்கு
 
செய்முறை :

*அவகோடாவை கொட்டி நீக்கி பொடியாக அரிந்து எலுமிச்சை சாறு சிறிது கலந்து வைக்கவும்.

*ஒரு பவுலில் அனைத்தையும் ஒன்றாக கலந்து பரிமாறவும்.

*வேகவைத்த கினோவாவில் ஏற்கனவே உப்பு சேர்த்திருப்பதால் உப்பு கவனமாக சேர்க்கவும்.

Sending this recipe Niloufer's 20-20 cooking event
Sunday 9 May 2010 | By: Menaga Sathia

ரவை+கினோவா(Quinoa)கேக்

ரவா கிச்சடி செய்யலாம்னு இருந்தபோது திடீர்னு ஒரு யோசனை வந்தது.அதை அப்படியே சில மாறுதலுடன் கேக் மாதிரி சாப்பிட்டால் என்னன்னு நினைத்து செய்தேன்.சூப்பர் டேஸ்ட்+வேலையும் மிச்சமாச்சு...
 
தே.பொருட்கள்:
ரவை - 1 கப்
வேகவைத்த கினோவா - 1/2 கப்
துருவிய கேரட் - 1/4 கப்
ப்ரோசன் பட்டாணி - 1 கப்பிடி
தயிர் - 125 கிராம்
மஞ்சள்தூள்,பெருங்காயத்தூள் - 1/4 டீஸ்பூன்
பொடியாக அரிந்த வெங்காயம் - 1
பொடியாக அரிந்த பச்சை மிளகாய் - 2
பொடியாக அரிந்த கொத்தமல்லித்தழை - சிறிதளவு
வறுத்த முந்திரிபருப்பு - தேவைக்கு
பட்டர் - 1/2 டேபிள்ஸ்பூன்
எள் - மேலே தூவ
உப்பு+எண்ணெய் = தேவைக்கு
 
செய்முறை :

*ஒரு பவுலில் ரவை+கினோவா+உப்பு+மஞ்சள்தூள்+பெ.தூள்+1 1/2 கப் நீர்+தயிர்+முந்திரிபருப்பு கலந்து வைக்கவும்.

*கடாயில் சிறிது பட்டர்+எண்ணெய் சேர்த்து வெங்காயம்+பச்சை மிளகாய்+கேரட்+பட்டாணி+கொத்தமல்லித்தழை சேர்த்து லேசாக வதக்கவும்.

*வதங்கிய பொருட்களை ஆறவைத்து ரவை கலவையில் கலந்து ப்ரெட் செய்யும் பாத்திரத்தில் பட்டர் தடவி ஊற்றி அதன் மேல் எள் தூவி அலங்கரிக்கவும்.

*அவனை 190°C டிகிரிக்கு முற்சூடு செய்து 35 நிமிடம் பேக் செய்து எடுக்கவும்.

*சட்னியுடன் சாப்பிட நன்றாகயிருக்கும்...
Friday 7 May 2010 | By: Menaga Sathia

அவல் புளி உப்புமா /Tamarind Aval Upma

தே.பொருட்கள்:
அவல் - 2 கப்
புளி - 1 எலுமிச்சை பழளவு
பெருங்காயத்தூள்,மஞ்சள்தூள் - தலா 1/4 டீஸ்பூன்
வேர்க்கடலை - 1 கைப்பிடி
உப்பு+எண்ணெய் = தேவைக்கு

தாளிக்க:
கடுகு - 1/4 டீஸ்பூன்
உளுத்தம்பருப்பு - 1/4டீஸ்பூன்
காய்ந்த மிளகாய் -2
கறிவேப்பிலை - சிறிது

செய்முறை :
*புளியை கெட்டியாக 1 கப் அளவில் கரைத்து அதில் மஞ்சள்தூள்+பெருங்காயத்தூள் கலந்து அவலை 1/2 மணிநேரம் ஊறவைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளை போட்டு தாளித்து உப்பு+வேர்க்கடலையை வறுக்கவும்.

*பின் ஊறிய அவலைக்கொட்டி நன்கு பொலபொலவென வரும்வரை கிளறி இறக்கவும்.

Sending this recipe Niloufer's 20-20 cooking event.
Thursday 6 May 2010 | By: Menaga Sathia

வேர்க்கடலை நிப்பட்

தே.பொருட்கள்:

அரிசி மாவு - 1 கப்
பொட்டுக்கடலை மாவு - 1/2 கப்
பொடித்த வேர்க்கடலை - 1/2 கப்
ஊறவைத்த கடலைப்பருப்பு - 1/4 கப்
மிளகாய்த்தூள் - 1/2 டேபிள்ஸ்பூன்
எள் - 1 டீஸ்பூன்
சுடு படுத்திய எண்ணெய் அல்லது உருக்கிய பட்டர் - 1 டேபிள்ஸ்பூன்
எண்ணெய் - பொரிக்க
உப்பு - தேவைக்கு
 
செய்முறை :
*பொரிக்க கொடுத்துள்ள எண்ணெய் தவிர அனைத்தையும் உப்பு சேர்த்து ஒன்றாக கல்ந்து நீர் விட்டு சப்பாத்தி மாவு பதத்திற்க்கு கெட்டியாக பிசையவும்.

*பிசைந்த மாவில் சிறு உருண்டையை எடுத்து தட்டையாக தட்டி முள்கரண்டியால் இருபக்கமும் குத்தி சிறிது நேரம் உலரவிட்டு எண்ணெயில் பொரிக்கவும்.
 
பி.கு:
தட்டைக்கு தட்டுவது போல் தட்டி முள் கரண்டியால் குத்தவும்.எண்ணெயில் பொரிக்கும் போது உப்பாமல் இருப்பதற்க்காக தான் முள் கரண்டியால் குத்துகிறோம்.
Wednesday 5 May 2010 | By: Menaga Sathia

ப்ரெட் வடை

தே.பொருட்கள்:

ப்ரெட் ஸ்லைஸ் - 5
பொடித்த ஒட்ஸ் - 1/2 கப்
அரிசி மாவு - 1 டேபிள்ஸ்பூன்
கடலைமாவு - 2 டேபிள்ஸ்பூன்
பொடியாக அரிந்த வெங்காயம் - 1
பொடியாக அரிந்த பச்சை மிளகாய் - 2
பொடியாக அரிந்த கொத்தமல்லித்தழை - சிறிதளவு
உப்பு+எண்ணெய் = தேவைக்கு
 
செய்முறை :

*ப்ரெட்டின் ஓரங்களை நீக்கி தண்ணீரில் நனைத்து நன்கு நீரை பிழிந்துக் கொள்ளவும்.

*அதனுடன் எண்ணெய் நீங்கலாக அனைத்து பொருட்களையும் ஒன்றாக கலக்கவும்.மாவு பதம் தளர்த்தியாக இருந்தால் மேலும் சிறிது அரிசி மாவு சேர்க்கவும்.

*பின் எண்ணெய் காயவைத்து வடைகளாக தட்டி பொரித்தெடுக்கவும்.
Tuesday 4 May 2010 | By: Menaga Sathia

முட்டையில்லா சுகினி+வாழைப்பழ ப்ரெட்

இந்த ரெசிபியை மதுரம் குறிப்பில் பார்த்து செய்தது.ஒரிஜினல் ரெசிபியில் சாக்லேட் சிப்ஸ் சேர்த்திருப்பாங்க,நான் அதற்கு பதில் காய்ந்த திராட்சை சேர்த்து செய்திருக்கேன்.இதில் முட்டை,வெண்ணெய் எதுவும் சேர்க்காத ப்ரெட் ரெசிபி.ப்ரெட் ஆறியபிறகு துண்டு போட்டிருந்தால் கட் செய்ய ஈஸியாக இருக்கும்.நான் பேக்கிங் செய்து முடித்ததும் என் பொண்ணின் அழுகையால் சூடாக கட் செய்ய வேண்டியதாகிவிட்டது.ஷேப்தான் சரியாக வரலை.ஆனால் டேஸ்ட் ரொம்ப ரொம்ப சூப்பர்ர்ர்!!
 
தே.பொருட்கள்:
பார்ட் -1
ஆல் பர்பஸ் மாவு - 1 1/2 கப்
பேக்கிங் பவுடர் - 1/4 டீஸ்பூன்
பேக்கிங் சோடா - 1/2 டீஸ்பூன்
பட்டைத்தூள் - 1/2 டீஸ்பூன்
உப்பு - 1/2 டீஸ்பூன்

பார்ட் - 2
தோல் சீவி துருவிய சுகினி - 1 கப்
காய்ந்த திராட்சை - 1/4 கப்
 
பார்ட் - 3
வெஜிடேபிள் எண்ணெய் - 1/2 கப்
சர்க்கரை - 3/4 கப்
மசித்த வாழைப்பழம் - 1 பெரியது
வெனிலா எசென்ஸ் - 1 டீஸ்பூன்
 
செய்முறை :

*பார்ட் -1 கூறிய பொருட்களை ஒன்றாக கலக்கவும்.

*இதனுடன் பார்ட் - 2 கூறிய பொருட்களைக் கலக்கவும்.

*பார்ட் -3 கூறிய பொருட்களை ஒன்றாக கலந்து பீட்டரில் நன்கு அடிக்கவும்.இதனுடன் பார்ட் 1,2 கலவையை ஒன்றாக கலந்து ப்ரெட் செய்யும் பாத்திரத்தில் ஊற்றவும்.

*அவனை 180°C முற்சூடு செய்து 30 நிமிடம் இந்த கலவையை பேக் செய்து எடுக்கவும்.

*ஆறியதும் துண்டுகள் போடவும்.
Monday 3 May 2010 | By: Menaga Sathia

காலிபிளவர் பனீர் பொடிமாஸ்

தே.பொருட்கள்:
காலிபிளவர் - 1 சிறிய பூ
துருவிய பனீர் - 1/4 கப்
தேங்காய்த்துறுவல் - 1/2 கப்
பொடியாக நறுக்கிய வெங்காயம் - 1
பொடியாக நறுக்கிய பச்சை மிளகாய் - 2
மஞ்சள்தூள் - 1/4 டீஸ்பூன்
உப்பு+எண்ணெய் = தேவைக்கு

தாளிக்க:
கடுகு - 1/4 டீஸ்பூன்
உளுத்தம்பருப்பு - 1/4டீஸ்பூன்
கறிவேப்பிலை - சிறிது
 
செய்முறை :
*காலிபிளவரை பெரிய பூக்களாக நறுக்கி,உப்பு கலந்த வெந்நீரில் 10 நிமிடம் போட்டு அலசி வைக்கவும்.

*பின் கேரட் துருவியில் காலிபிளவரை துருவி ஆவியில் 5 - 10 நிமிடம் வேகவைத்து எடுக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம்+ப.மிளகாய்+உப்பு+மஞ்சள்தூள் சேர்த்து வதக்கவும்.

*வதங்கியதும் காலிபிளவர்+பனீர் சேர்த்து கிளறி தேங்காய்த்துறுவல் சேர்த்து இறக்கவும்.
Sunday 2 May 2010 | By: Menaga Sathia

வெந்தயக்கீரை ப்ரெட் ஸ்டிக்ஸ்

தே.பொருட்கள்:
ஆல் பர்பஸ் மாவு - 1 கப்
காய்ந்த வெந்தயக்கீரை - 1 டேபிள்ஸ்பூன்
ஈஸ்ட் - 1/2 டீஸ்பூன்
சீரகப்பொடி - 1/4 டீஸ்பூன்
ஆலிவ் எண்ணெய் - 1 டேபிள்ஸ்பூன்
சர்க்கரை - 1 /2 டீஸ்பூன்
உப்பு - 1/4 டீஸ்பூன்
 
செய்முறை :
*சிறிது வெதுவெதுப்பான நீரில் சர்க்கரை+ஈஸ்ட் கலந்து 5 நிமிடம் வைக்கவும்.

*வெந்தயக்கீரையை சிறிது வெந்நீரில் உப்பு சேர்த்து நன்கு அலசி பிழிந்து வைக்கவும்.

*ஒரு பவுலில் மாவு+உப்பு+சீரகப்பொடி+ஆலிவ் எண்ணெய்+வெந்தயக்கீரை கலந்து ஈஸ்ட் கலவையை ஊற்றி கெட்டியாக சப்பாத்தி மாவு பதத்திற்க்கு பிசைந்து ஈரத்துணியால் மூடி வெப்பமான இடத்தில் 1--2 மணிநேரம் வைக்கவும்.

*2 மணிநேரம் கழித்து மாவு உப்பியிருக்கும்,மறுபடியும் பிசைந்து 1 மணிநேரம் வைக்கவும்.

*மீண்டும் 1 மணிநேரம் கழித்து மாவை நன்கு பிழைந்து சிறு உருண்டைகளாக உருட்டவும்.

*உருட்டிய ஒரு உருண்டையை எடுத்து மெலிதாக கைகளால் நீளவாக்கில் உருட்டி அவன் டிரேயில் வைக்கவும்.

*அனைத்து உருண்டைகளும் இப்படியே செய்து மறுபடியும் உப்பி வருவதற்காக 20 நிமிடம் வைக்கவும்.

*பின் 220°C முற்சூடு செய்த அவனில் 20 நிமிடம் பேக் செய்து எடுக்கவும்.

பி.கு
வெந்தயக்கீரைக்கு பதில் ப்ரெஷ் பேசில் இலைகள் சேர்க்கலாம்.

01 09 10